Xiddiga Liverpool Mohamed Salah ayaa laga yaabaa inuu jabiyo rikoor kale oo Premier League ah marka ay Reds wajahdo Everton kulanka baaqiga u ah labada kooxood.
32-sano jirkaan ayaa lagu wadaa in dib loogu soo celiyo shaxda Reds ka dib markii uu seegay kulankii Axadii ee guuldaradii 1-0 ee FA Cup ka soo gaartay Plymouth Argyle.
Labadii gool ee uu Salah dhaliyay kulankii ay Liverpool 2-0 kaga badisay Bournemouth laba todobaad ka hor ayaa ka dhigtay ciyaaryahankii hore in uu dhaliyo 178 isaga oo dhaafay halyeeyga Chelsea ee Frank Lampard waxaana uu u baahan yahay kaliya 7 gool kale si uu u dhaafo Sergio Aguero.
Hadii Salah uu gool dhaliyo ama uu sameeyo caawin kulanka Merseyside derby, ninka Liverpool ayaa dhigi doona rikoor cusub oo ah gooldhalinta ugu badan ee Premier League ee uu ku dhaliyo meel ka baxsan garoonkeeda hal xilli ciyaareed.
Salah ayaa haatan 21-gool kula bar-baro yahay xiddigii hore ee kooxda Man United ee Andy Cole, kaasoo 12 gool iyo sagaal caawin ka sameeyay kulamada ka baxsan garoonka kooxdiisa.
Be the first to comment