Xiddiga garabka uga ciyaara kooxda Liverpool ee Mohamed Salah ayaa fariin macsalaamayn ah u diray Trent Alexander-Arnold kadib markii uu daafacu xaqiijiyay in uu baxayo dhamaadka xilli ciyaareedkan.
Alexander-Arnold ayaa diiday qandaraas cusub oo uu u saxiixay kooxdiisii yaraantiisii, waxaana uu qarka u saaran yahay inuu beeca xorta ah ugu biiro Real Madrid.
26-sano jirkaan ayaa la joogay kooxda dhawaan loo caleemo saaray horyaalka Premier League tan iyo markii uu lix jir ahaa.
Tan iyo markii uu soo galay akadeemiyadda, Alexander-Arnold wuxuu Liverpool kula guuleystay sideed koob oo waaweyn.
Salah waxa uu iskaashi adag la sameeyay Alexander-Arnold oo ka tirsan garabka midig ee weerarka Liverpool sideedii sano ee la soo dhaafay waxana ka hadlay ka tagista xiddiga ee kooxda.
“Waxay ahayd farxad inaan kula wadaago saaxiibtinimo gaar ah oo aan kaa garab ciyaaro, waxaan kuu rajaynayaa wanaag, waxaanan hubaa inaan mar kale kulmi doono”
Be the first to comment