Kabtanka iyo khadka dhexe ee kooxda Real Madrid, Luka Modric, ayaa qirtay inay jirto kala qaybsanaan horseedi karta inay Real Madrid burburto ka dib guuldaradii Milan ee Champions League.
Real Madrid ayaa markii labaad oo xiriir ah gurigeeda kala kulantay guuldaro kadib markii Ac Milan 3/1 ku garaacday kulan ka tirsanaa tartanka champions League.
10 maalmood ka hor ayay ahayd markii ay Barcelona guuldaro 4/0 ah kala kulantay kooxda Barcelona kulan ka tirsanaa La Liga.
Modric oo la hadlay saxaafada kadib kulankii Ac Milan ayaa yidhi”Habeen kale oo niyad jab leh ayay noo tahay”.
“Way adagtahay in la qiimeeyo xaaladeena si fiican umaanu ciyaarin, Ac Milan ayaa ahayd kooxda fiican, waxa aan helnay fursado laakiin guud ahaan ma aanan ahayn kuwo fiican”.
Isaga oo hadalkiisa sii wata ayuu yidhi: “Ma aha wax ku saabsan hal shaqsi ah laakiin waa kooxda guud ahaan, waxa aan u baahanahay in aan ka fiicnaano sida aan haatan nahay garoonka dhexdiisa”.
“Waxa aan u baahanahay in aan ku soo laabano qaab ciyaareedkeenii fiicnaa ee aan ku jirnay sanadihii la soo dhaafay”.
Be the first to comment