Micah Richards Oo Farta Ku Fiiqay Kooxda Ugu Fiican Yurub Xilli Ciyaareedkan.

Micah Richards ayaa sheegay in Arsenal ay leedahay ‘kooxda ugu fiican Yurub’, wuxuuna tilmaamay in hubka ugu weyn ee Mikel Arteta uusan ahayn “caadi”.

Kooxda Gunners ayaa xilli-ciyaareed cajiib ah ku jirta, waxayna lix dhibcood ku hoggaaminayaan Premier League-ga ka hor safarka ay Axadda ku tegayaan Chelsea.

Kooxda Arteta hal mar oo keliya ayaa laga badiyey xilli ciyaareedkan – taasoo yaab leh waxay ka timid Liverpool oo si liidata u ciyaaraysa – balse waxa ay iska ilaalinayaan maadama 3 dhibcood oo kaliya ka horayn doonaan chelsea hadii ay Blues ku badiso Stamford Bridge.

Arsenal sidoo kale si heer sare ah ayay uga ciyaareen Yurub, waxayna sii wateen bilowgoodii qumman ee Champions League-ka Arbacadii, iyagoo 3-1 ku garaacay horyaalka Jarmalka ee Bayern Munich.

Gunnersa waa kooxda kaliya ee Champions League ku guuleysatay shan ciyaarood oo xiriir ah bilowga tartanka, waxaana laga dhaliyay kaliya hal gool champions League.

Richards aad ayuu uga helay guushii ay Arsenal ka gaartay Bayern Munich – oo ahayd guuldaradii ugu horaysay ee ay la kulantay Bayern Munich xilli ciyaareedkan waxana uu sheegay in kooxda Mikel Arteta tahay kooxda ugu fiican yurub.

“Arsenal sidee ayay u fiicantahay”?

“Kubadaha karooska ayay aad ugu fiicanyihiin”ayuu yidhi.

“Waxay qabaan dhowr dhaawac, laakiin wali ma dareemayaan dhaawacaas”.

“Malaha ma aha 11-ka ugu fiican marka dhammaan ciyaartoydu caafimaad qabaan, laakiin marka la eego guud ahaan kooxda ballaaran, waa mid aad u heer sareysa.”

Be the first to comment

Dhiibo Fikirkaaga