Weeraryahanka Real Madrid, Kylian Mbappe, ayaa haatan kaalinta 6-aad kaga jira liiska gool-dhaliyeyaasha taariikhiga ah ee UEFA Champions League, isagoo barbar socda halyeeyga Bayern Munich, Thomas Muller.
Tani waxay timid kaddib markii weeraryahanka xulka France uu labo gool ka dhaliyay guushii 2-1 ee Real Madrid kaga adkaatay Marseille, kulan ka dhacday garoonka Santiago Bernabeu.
Kahor ciyaartii Real Madrid iyo Marseille, Mbappe wuxuu lahaa 55 gool oo Champions League ah.
26-jirkan haatan waxa uu kaliya ka dambeeyaa Cristiano Ronaldo, Lionel Messi, Robert Lewandowski, Karim Benzema iyo Raul Gonzalez liiska gool-dhaliyeyaasha taariikhiga ah ee Champions League.
Ronaldo ayaa hadda ah gool-dhaliyaha ugu sarreeya tartanka isagoo leh 140 gool.
Be the first to comment