Weeraryahanka Real Madrid, Kylian Mbappe, ayaa sheegay inuusan dooneynin Paris Saint-Germain inay ku guuleysato tartanka UEFA Champions League xilli ciyaareedkan.
Mbappe ayaa doonaya in ay kooxdiisa haatan ee Real Madrid ku guulaysato tartanka xilli ciyaareedkan.
Xiddiga reer France ayaa dhinaca kale wax walba oo wanaagsan u rajeeyay kooxda PSG.
Mbappe waligiis kuma guuleysan Champions League xirfadiisa ilaa hadda.
25 jirkaan ayaa ciyaaray finalkii Champions League 2020 markaasoo Bayern Munich 1-0 ku garaacday PSG.
Markii la weydiiyay hadii uu doonayo in kooxdiisii hore ee PSG ay ku guuleysato Champions League, Mbappe ayaa u sheegay Clique TV:
“Miyaan rabaa in PSG ay ku guuleysato UCL? Hadda? Maya, waxaan doonayaa inaan la guuleysto Madrid”.
“Laakiin waxa aan u rajaynayaa iyaga waxa ugu fiican PSG. Waxaan rajeynayaa inay maalin uun ku guuleysan doonaan Champions League.
“Laakiin hadda maaha, sababtoo ah waa inaan ku guuleysto anigu”.
Be the first to comment