Enzo Maresca ayaa sheegay in Chelsea aysan wali ku filneyn inay u tartanto hanashada horyaalka Premier League ka dib markii ay 4-3 kaga badiyeen Tottenham.
Tababaraha reer Italy ayaa si isdaba joog ah u diiday soo jeedinta ah in kooxdiisu ay tahay kooxaha u tartamaya hanashada horyaalka inkasta oo ay rajo fiican ku bilowdeen intii uu macalinka u ahaa.
Laakiin kadib natiijooyinkii xumaa ee kooxaha Arsenal, Man City iyo Liverpool ee kulamadii ugu dambeeyay ayay Blues ka faa’iidaystay in ay kaliya 4 dhibcood u jirto hogaanka premier League.
Kadib guushii Tottenham, Maresca ayaa mar kale meesha ka saaray soo jeedinta ah in ay kooxdiisu ku tartamayso premier League.
“Weli waxaan haysanaa wax badan oo aan ku horumarin karno, marka aan diyaar u nahay inaan u tartano horyaalka laakiin haatan uma tartamayno”ayuu sii raaciyay.
Be the first to comment