Matheus Cunha ayaa laga saaray ciyaarta Premier League ee Manchester United ay Axadda la ciyaarayso Crystal Palace.
Weeraryahanka Brazil ayaa ka maqnaa guuldarradii 1-0 ee Everton Isniintii kadib markii uu ku dhaawacmay tababarka.
Ruben Amorim markii hore wuxuu sheegay in dhaawaca Cunha uu yahay “mid aan halis ahayn”, balse Jimcihii tababaraha United ayaa xaqiijiyey in 26-jirkan uu seegi doono safarka kooxda ee Selhurst Park.
Warkan ayaa dhirbaaxo ku ah Man United marka la eego in uu Cunha ka mid yahay xiddigaha ugu muhiimsan kooxda Amorim.
Cunha oo Man United ku soo biiray suuqii xagaaga ayaa ka mid noqday xiddigaha dhaqaajiya Man United.
“Waxaan filayaa inaan helo Matheus ciyaarta xigta [West Ham Khamiista], laakiin ma ciyaari doono kulanka Crystal Palace”.
Be the first to comment