Kooxda Manchester City ayaa gaartay guul xiiso leh kadib markii ay 3-2 kaga adkaadeen kooxda Leeds United, kulankaas oo ka tirsanaa wareega 13-aad ee Premier League, waxaana lagu ciyaaray garoonka Etihad.
Manchester City waxay goolka hore dhalisay daqiiqaddii 2-aad waxaana saxiixay Phil Foden, kadibna Josko Gvardiol ayaa dhaliyay goolka labaad ee City daqiiqaddii 25-aad.
Daqiiqaddii 49-aad, ayuu xiddiga badalka ku soo galay ee Dominic Calvert-Lewin dhaliyay goolka 2-aad ee Leeds, halka Lukas Nmecha uu rigoore ku dhaliyay goolka barbarraha daqiiqaddii 68-aad.
Daqiiqaddii 90+1, Phil Foden ayaa mar kale dhaliyay goolka guusha isaga oo kubbad ka dhex toogtay xerada ganaaxa.
Arsenal ayaa kor u qaaday dhibcohooda ilaa 25 iyadoo ku meel gaar ah ku gashay kaalinta labaad, halka Leeds United ay ku sii hareen 11 dhibcood oo ay ku jiraan kaalinta 18-aad.
Be the first to comment