Daaficii hore ee kooxda Liverpool Glen Johnson ayaa ka hadlay Mustaqbalka Mohamed Salah ee Liverpool kaas oo uu shaki ku jiro.
Qandaraaska Mohamed Salah ee Liverpool wuxuu dhacayaa 30-ka bisha June ee soo socota walina heshiis cusub uma saxiixin kooxda.
Salah ayaa shaki galiyay mustaqbalkiisa bishii Sebtembar ee la soo dhaafay kadib guushii ay ka gaareen Manchester United markii uu shaaca ka qaaday in xilli ciyaareedkan uu noqon doono kiisii ugu dambeeyay.
Mohamed Salah ayaa mar kale ku celiyay shakiga uu galiyay mustaqbalkiisa isaga oo sheegay in aanu iloobi doonin dareenka uu leeyahay in uu gool ka dhaliyo Anfield.
Johnson ayaa yidhi”Waa inaan amaannaa Mohamed Salah, waxaa jira hadal heyn badan oo ku saabsan mustaqbalkiisa laakiin mar walba waxa uu soo bandhigayaa qaab ciyaareed fiican”.
Wuxuu intaas ku daray: “Waxaan aragnay ciyaartoy badan oo moodaya inaysan heshiis cusub heli doonin isla markaas aan u ciyaarin sidii hore”.
“Weli waa ciyaaryahan heer caalami ah, miyaanu ahayn?, haddii aad lumiso, waa wax aan macquul ahayn in la beddelo isaga, hubaal ma doonaysid inaad noqoto ciyaartoyga isku dayaya inuu beddelo, taasi waa hubaal.”
Be the first to comment