Andy Robertson ayaa si rasmi ah loo magacaabay Kabtan Ku-xigeenka kooxda Liverpool. Go’aankan waxa uu ka dambeeyay ka-bixidii Trent Alexander-Arnold, kaas oo ku biiray Real Madrid bishii Juun 2025 .
Tababare Slot ayaa sheegay in ay xiddigaha kooxdiisu wada jir ah u hogaaminayaan kooxda laakiin waxa lagama maarmaan ah in xiddig loo doorto kabtan ku xigeenka kooxda.
Sababta Loo Doortay Andy Robertson
Tababaraha Arne Slot ayaa sharraxay:
“Robbo waa doorasho macquul ah. Waxa uu gaaray guulo waaweyn, sidoo kale waxa uu isku xidhaa kooxda Garoonka dhexdiisa”.
“Wuxuu fahamsan yahay dhaqanka kooxda, qolalka labiska, iyo in kastoo uu yahay ciyaaryahan tayo leh, wuxuu door weyn ka ciyaaraa dhaqanka horyaalka—taasi waa hadiyadda ugu weyn ee aan ka helay Klopp.”
Taariikh Kooban: Robertson & Liverpool
Andy Robertson waxa uu ku biiray Liverpool sanadka 2017 isaga oo ka yimid Hull City.
Ilaa hadda, waxa uu ciyaaray 344 kulan tartan ah, isagoo ku guuleystay horyaalka Premier League, Champions League, FIFA Club World Cup, FA Cup, Carabao Cup (laba jeer), iyo UEFA Super Cup .
Be the first to comment