Kooxda Liverpool ayaa guul weyn ka gaadhay kooxda Ac Milan kulan ka tirsanaa champions League.
Ac Milan ayaa wakhti hore ka naxsatay Liverpool waxana ay daqiiqadii 3-aadba ka dhaliyeen gool uu u dhaliyay xiddiga Christian Pulisic.
Liverpool ayaa bilowday in ay raadiso bar-baraha iyaga oo la wareegay maamulista ciyaarta.
Daqiiqadii 23-aad ayay Liverpool dhalisay goolka 1-aad waxana u dhaliyay xiddiga daafaca uga ciyaara ee Ibrahima Konate kaas oo ciyaarta ka dhigay 1/0.
Liverpool ayaa ahayd kooxda fiican waxana ay sameeyeen fursado aan kala joogsi lahayn.
Daqiiqadii 41-aad ayay Liverpool dhalisay goolka 1-aad waxana u dhaliyay xiddiga Virgil Van Dijk kaas oo ciyaarta ka dhigay 2/0 ay kooxdiisu ku hogaaminayso.
Reds ayaa iska khasaarisay fursado badan oo ay ku dhalin kartay goolal xilli ay Ac Milan ku dhibaatoonaysay in ay weeraro qaado.
Daqiiqadii 67-aad ayay Liverpool dhalisay goolka 3-aad waxana u dhaliyay daafaca Dominik Szoboslai kaas oo ciyaarta ka dhigay 3/0.
Waxa sidaas ku dhamaatay ciyaarta oo ay Liverpool guul soo laabasho elh ka gaadhay kooxda Ac Milan.
Dhinaca kale Kooxda Real Madrid ayaa guul ku bilaabatay champions League iyaga oo 2/1 kaga badiyay kooxda Stuttgart.
Xiddiga Mbappe ayaa dhaliyay goolka 1-aad ee kooxdiisa daqiiqadii 46-aad waxana uu hogaanka ciyaarta u dhiibay kooxdiisa.
Laakiin Stuttgart ayaa daqiiqadii 68-aad iska soo baday goolka waxana bar-baraha u dhaliyay Denis Undav kaas oo ciyaarta ka dhigay 1/1.
Daafaca Antonio Rudiger ayaa kooxdiisa Real Madrid daqiiqadii 83-aad u dhaliyay goolka 2-aad isaga oo ciyaarta ka dhigay 2/1.
Da’yarka ee Endrick ayaa daqiiqadii 90+5-aad dhaliyay goolka 3-aad kooxda Real Madrid isaga oo kooxdiisa ku hogaamiyay guul weyn.
Be the first to comment