Liverpool ayaa lagu soo waramayaa inay xiiso u qabto saxiixa weeraryahanka Gent Momodou Sonko mustaqbalka dhow.
19-sano jirkaan ayaa lala xiriiriyay kooxda ka dhisan garoonka Anfield bilowgii sanadka markaasoo macalinka halyeeyga ah ee Jurgen Klopp uu weli maamulo Merseyside.
Wixii markaas ka dambeeyay, Liverpool waxa ay u dhaqaaqday waa cusub oo uu hogaaminayo Arne Slot, iyadoo ninka reer Holland uu kooxda ka caawiyay inay si xamaasad leh ku bilowdaan xilli ciyaareedka cusub.
Reds ayaa haatan sagaal dhibcood ka sareysa Arsenal oo ku jirta kaalinta labaad ee horyaalka heerka koowaad ka dib markii ay 2-0 kaga badisay Manchester City galabnimadii Axadda.
Sida laga soo xigtay Football Insider, Liverpool ayaa sii wada bartilmaameedka horumarinta weerarkeeda inkasta oo ay si qurux badan ku bilowdeen xilli ciyaareedka.
Wararka ayaa sheegaya in Reds ay aad u daneyneyso sidii ay u heli laheyd xiddiga garabka uga ciyaara Gent Sonko kaasoo ku jira qaab ciyaareed cajiib ah sanadihii ugu dambeeyay.
Waxaa la fahamsan yahay in Liverpool ay Sonko u aragto ciyaaryahan ku soo bixi kara boos joogto ah isla markaas door weyn ka ciyaari kara kooxda.
Be the first to comment