Liverpool ayaa ku fikirtay in ay u magacawdo Ruben Amorim tababarohooda cusub ka hor inta ayna u dhaqaaqin tababare Arne Slot laakiin waxa ay iska diiday tababaraha 2 sababood aweeg.
Go’aankii lama filaanka ahaa ee Jurgen Klopp uu kaga tagay Anfield dhamaadkii xilli ciyaareedkii hore ayaa Liverpool ku qasbay in ay u dhaqaaqdo badalkiisa iyada oo lala xidhiidhinayay tababarayaal badan.
Liverpool ayaa Xabi Alonso ka dhigatay bartilmaameedka 1-aad halka Amorim uu ka mid ahaa tababarayaasha lala xidhiidhinayay.
Ugu dambayn Liverpool ayaa heshiis la gaadhay Arne Slot kaas oo hogaaminayay kooxda Feyenoord.
Sida laga soo xigtay The Athletic, maamulka Liverpool ayaa go’aansaday in ayna u dhaqaaqin saxiixa Amorim sabab la xidhiidha walaac ay ka qabaan shaxda 3-4-3 ee uu ku ciyaaro.
Sidoo kale maamulka kooxda aya ka walaacsanaa in Taageerayaasha kooxdu ayna ku qancayn qaab ciyaareedka tababaraha.
Be the first to comment