Qaab ciyaareedka Kylian Mbappe ee sanadka 2025 ayaa sii socda isaga oo kooxdiisa ku hogaamiyay guul 3/0 ah oo ay ka gaadheen Real Valladolid.
Xiddiga Mbappe ayaa saddexley ka dhaliyay kulankii ay kooxdiisu ka badisay Valladolid kulan ka tirsanaa horyaalka La Liga.
Xiddiga ayaa Bishan dhaliyay 8 gool oo uu dhaliyay 5-tii kulan ee ugu dambaysay tartamada oo dhan isaga oo Lewandowiski kula tartamaya gooldhalinta La Liga.
26-sano jirkaan ayaa rikoor muhiim ah kala wareegay halyeeyga Real Madrid Cristiano Ronaldo.
Mbappe ayaa 19 kulan oo horyaalka ah sugay in uu dhaliyo saddexley halka uu Ronaldo sugay 27 kulan si uu u dhaliyo saddexleydiisii ugu horaysay e kooxda.
Be the first to comment