Sami Khedira ayaa sheegay in Mesut Ozil uu si gaar ah u qirtay in go’aankii uu kaga tagay Real Madrid ugu biiray Arsenal uu ahaa mid khalad ah.
Arsenal ayaa ka yaabsatay kooxda ay xifaaltamaan ee Premier League ka dib markii ay heshiis lama filaan ah kula soo wareegeen Ozil maalintii ugu dambeysay suuqii xagaaga ee sanadka 2013.
Ozil, oo noqday saxeexii saddexaad ee ugu qaalisanaa kubbada cagta Ingiriiska wakhtigaas isla markaas ka dambeeyay Fernando Torres iyo Carlos Tevez, waxa loo arkay mid ka mid ah ciyaartoyga khadka dhexe ee ugu fiican Yurub.
Khedira ayaa ka garab ciyaaray Ozil wakhtigii Real Madrid halka ay sidoo kale isaga garab ciyaareen Germany koobkii adduunka ee 2010.
Khedira ayaa qirtay in xiddigaha ugu muhiimsan Real Madrid oo ay ku jiraan Ronaldo, Benzema iyo Sergio Ramos, oo ahaa kabtan ku xigeenka waqtigaas, dhamaantood waxay su’aal galiyeen go’aankii Florentino Perez uu Ozil kaga iibiyay Arsenal.
“Waxa uu ii sheegay in ay khalad weyn ahayd in uu ku biiro Arsenal sababta oo ah waxa uu jeclaa Real Madrid”.
Be the first to comment