John Terry ayaa si gaar ah u amaanay Gabriel Magalhaes, William Saliba iyo Declan Rice ka hor derby-ga Waqooyiga London, isagoo sheegay in saddexdan ciyaaryahan ay ka dhigeen Arsenal ku dhowaad kooxda aan la jebin karin.
Arsenal waxay 4 dhibcood horaysaa Man City ka hor kulanka ay la ciyaarayaan Tottenham iyada oo doonaysa in ay sii wado guulaha kulanka soo socda.
Kooxda Arsenal ayaa kaliya siibatay 3 jeer tartanka ay ugu jirto hanashada horyaalka premier League xilli ciyaareedkan.
Mid ka mid ah kulamada ay Arsenal siibatay ayaa yimid ka hor fasaxii xulalka iyaga oo bar-baro 2/2 ah la galay kooxda Sunderland kulan ay ku horeeyeen 2 gool.
Arsenal ayaa xaqiijisay inay sugayaan natiijooyinka baaritaanno dheeraad ah si loo ogaado inta uu leegyahay halista dhaawaca xiddiga Iyo muddada uu maqnaan karo.
John Terry, oo ah kabtanka hore ee Chelsea iyo xulka England, ayaa u sheegay talkSPORT isagoo ka hadlayay derby-ga:
“Gabriel waa ciyaaryahan weyn oo ka maqan, gaar ahaan ciyaaraha soo socda ee Arsenal.
Wuxuu muujiyay inuu yahay mid aan la dhaafi karin labadaba sanduuqa difaaca iyo sanduuqa weerarka sannadkan.
Sidoo kale wuxuu dhaliyay dhawr gool oo kale, sidaas darteed waa dhaawac weyn oo kooxda ka maqan”.
Sida uu Terry sheegay, Gabriel, Saliba iyo Rice dhammaantood waxay door weyn ka ciyaareen ka dhigidda Arsenal koox adag oo difaaca ah intii uu Arteta hoggaaminayay.
Wuxuu yiri:
“Si aan u sheego runta, waxaan dareemayaa farxad yar in ay labo gool laga dhaliyay kulankii Sunderland, sababtoo ah waa koox aad u xoog badan, waa inaan idhaahdaa, marka loo eego rikoodhkooda difaaca.”
“Sidoo kale, iyadoo labada daafac dhexe ay aad u wanaagsan yihiin iyo Declan Rice oo hortooda jooga difaacoodu wuxuu noqday mid ku dhowaad aan la jebin karin.”
Be the first to comment