Joe Cole ayaa shaaca ka qaaday in tababaraha kooxda Chelsea Enzo Maresca uu yahay tababaraha ugu fiican xilli ciyaareed ilaa haatan horyaalka Premier League, iyadoo Blues ay haatan ku jirto kaalinta labaad ee kala sareynta, iyadoo kaliya labo dhibcood ka dambeysa Liverpool.
Tababarayaal badan ayaa wacdaro dhigay xilli ciyaareedkan iyada oo Arne Slot kooxdiisa ku hogaamiyay hogaanka premier League xilli ciyaareedkiisii ugu horeeyay.
Tababarayaasha Nuno Espirito Santo iyo Andoni Iraola ayaa shaqo fiican ka qabtay Nottingham Forest iyo AFC Bournemouth.
Laakiin Cole ayaa dareensan in Maresca oo badalay Mauricio Pochettino bishii June uu yahay tababaraha ugu fiican ilaa haatan xilli ciyaareedka kadib markii uu chelsea ka dhigay koox u tartamaysa horyaalka premier Legaue.
“Waxay u muuqataa wax weyn!” Cole ayaa ku yiri TNT Sports ka dib guushii ay Chelsea 2-1 kaga badisay kooxda kale ee galbeedka London ee Brentford Axadii.
“Waxaan u maleynayaa in Enzo Maresca ilaa hadda Waa tababaraha Ugu Fiican xilli ciyaareedka”.
Be the first to comment