Jeyaan Pierre Papin, oo horey ugu guuleystay Ballon d’Or, ayaa sheegay in xiddiga Barcelona ee Lamine Yamal uu mudan yahay abaalmarinta Ballon d’Or ee 2025.
Xiddigii hore ee Bayern Munich iyo AC Milan ayaa iska indhatiray ciyaartoyda ay isku dalka yihiin ee Ousmane Dembele iyo Kylian Mbappe, kuwaas oo sidoo kale tartamaya abaalmarinta.
Wiilka dhalinyarada ah ayaa si cajiib ah uga soo muuqday Barcelona xilli ciyaareedkii hore, isagoo gacan ka geystay inay ku guuleystaan saddex koob oo maxali ah.
Wuxuu dhaliyey 18 gool iyo 25 caawin 55 kulan oo uu u ciyaaray Barcelona.
Papin ayaa u sheegay SPORT, “Lamine Yamal ayaa xaq u leh inuu ku guuleysto Ballon d’Or sanadkan. Aniga ahaan, Yamal wuxuu ahaa kan ugu fiican wuxuuna lahaa xilli ciyaareed aad u heer sareeya.”
Yamal wuxuu la tartami doonaa ciyaartoyda sida Dembele, Mbappe, Vitinha iyo kuwo kale oo ku jira liiska 30-ka ciyaartoy ee uu shaaciyey France Football.
Haddii Yamal uu ugu dambeyntii ku guuleysto abaalmarinta 22-ka Sebtember, wuxuu noqon doonaa ciyaaryahankii 7-aad ee Barcelona ee ku guuleysta abaalmarinta. Waxa uu noqon doonaa guuleystaha ugu horreeya ee kooxda tan iyo markii Lionel Messi uu ku guuleystay 2019.
Be the first to comment