Jamie Redknapp ayaa u aqoonsaday Liverpool inay tahay dhibaatada ugu wayn ee Arsenal ka haysata tartanka horyaalka Premier league kadib markii kooxda Arne Slot ay shan dhibcood oo nadiif ah ku qabteen hogaanka horyaalka.
Xilli ciyaareedkiisii ugu horeeyay ee horyaalka premier League, Slot ayaa kooxdiisa ka caawiyay in hal kulan laga badiyo 11-kii kulan ee ay ciyaareen premier League iyaga oo dheeraystay hogaanka horyalka.
Dhinaca kale Rajada Arsenal ee horyaalka ayaa hoos u sii dhacaysa iyaga oo 10 dhibcood ka dambeeya hogaamiyayaasha horyaalka ee Liverpool.
City ayaa Arsenal ku garaacday horyaalka labadii xilli ciyaareed ee ugu dambeeyay laakiin Redknapp ayaa rumaysan in ay Liverpool tahay dhibaatada ugu weyn ee Arsenal.
“Weli waxaan qabaa inay jiraan wax badan oo la ciyaari karo. Wali ma hubno waxa ku dhici doona Liverpool, tababaraha cusub waxa uu joogaa horyaal uuna garanayn”ayuu u sheegay Sky Sport.
Waxa uu hadalkiisa sii raaciyay: “Liverpool waa halista ugu weyn ee Arsenal wakhti xaadirkan”.
Be the first to comment