Jamie Carragher ayaa la dhacay ‘kalsoonida’ Ruben Amorim uu muujiyay tan iyo markii uu qabtay shaqada Manchester United laakiin waxa uu ka walaacsan yahay in kooxdu aysan ku haboonayn shaxdiisa 3-4-3.
Tababare Ruben Amorim ayaa ku soo biiray Man United kadib markii ay kooxdu shaqada ka caydhisay tababare Erik Ten Hag.
Amorim ayaa la filayaa in uu hogaamiyo kooxda Man United kulana ay la ciyaari doonaan Ipswich kulan ka tirsan premier League.
Carragher ayaa la dhacsan kalsoonida Tababare Amorim laakiin waxa uu sheegayaa in uu jiro hal dhib oo wajahaysa tababaraha.
“Run ahaantii waan la dhacsanahay tababaraha ilaa haatan, waxa uu shaki la’aan leeyahay shaqsiyad fiican”ayuu Carragher yidhi.
“Halka dhib ee aan filayo in uu Amorim wajoho ayaa ah shaxda tababaruhu ku ciyaaro oo ah 3 daafac ee dambe”.
Be the first to comment