Jack Grealish Oo Tilmaamay Waxa Man City Ka Caawiya In Ay Arsenal Ku Garaacdo Horyaalka

Khibrada man City ee tartanka horyaalka premier league ayaa Ka caawin doonta in ay ku guulayataan horyaalka.

Sidaas waxa qaba Xiddiga kooxda man city ee jack Grealish kaas oo aaminsan in ay ahaadaan kuwo dhamaystiran si ay Arsenal horyaalka ugu garaacaan.

City ayaa dhibic ka dambeysa, balse kulan ayay gacanta ku haystaan, iyadoo xilli ciyaareedka uu gabagabo ku dhow yahay.

“Waxaan ku sheegay wareysiyo badan, aniga ahaan, kooxda aan hadda ku jiro – gaar ahaan sanadkii hore – waa wax aan la rumeysan karin, wadajirka aan heysano,” Grealish ayaa u sheegay Sky Sports.

“Sanadihii lasoo dhaafay, waxaa jiray kooxo badan oo Premier League ah oo aan sameynin waxaan sameynay”.

“Taasi waxay wax ka sheegaysaa kooxdeena sababtoo ah waxaad yeelan kartaa dhammaan tayada adduunka, laakiin waxaad u baahan tahay inaad haysato dhinaca kale Oo ah isku xidhnaanta garoonka dhexediisa Taasi waa wax aan wax badan ka haysanay oo aan helnay xilli ciyaareedkan sidoo kale”