Liverpool ayaa loo gacan galiyay kaliya guuldaradii labaad ee xili ciyaareed kaan Premier League Axadii, laakiin Arsenal ma aysan awoodin inay si buuxda uga faa’ideysato.
Reds ayaa wali dhibco badan ku hogaaminaysa Horyaalka Premier League xilli ciyaareedkan iyada oo ka horaysa kooxda Arsenal.
Liverpool ayaa aad uga fogayd qaab ciyaareedkeedii fiicnaa Reds ayaa ku Hor martay goolka furitaanka laakiin Fulham ayaa guul Soo Laabasho leh ka Gaadhay Liverpool.
Si kasta ha ahaatee inkasta oo ay guuldaro la kulantay Liverpool ayaa 11 dhibcood ku hogaaminaya premier league xilli ciyaareedkan.
Imisa dhibcood ayay Liverpool u baahan tahay si ay ugu guulaysato Premier League?
Dhibcaha Liverpool ayaan dhaqaaqin laakiin wali waxa ay 11 ka sareeyaan kooxda ugu dhaw ee Arsenal iyada oo 7 kulan oo kaliya ay ka hadhsan tahay dhamaadka xilli ciyaareedkan.
In muddo ah waxa la is waydiinayay wakhtiga ay Liverpool ku guuleysan doonto Premier League, taasoo ka duwan haddii. Haddaba, su’aalaha ugu waaweyn ee in muddo ah la is weydiinayey ayaa ah, imisa dhibcood ayay Liverpool u baahan tahay si ay ugu guuleysato horyaalka?
Reds ayaa xisaab ahaan u hanan karta horyaalka iyaga oo aan ciyaarin dhamaan kulamadooda u hadhay.
Dabcan, arintu waxay sidoo kale ku tiirsan yihiin sida Arsenal ay wax u qabato, laakiin sida ay arrimuhu u socdaan, Arne Slot kooxdiisa waxay haysataa boqolkiiba 99.43 fursad ay ku qaadi karaan koobka xilli ciyaareedkan.
Liverpool ayaa la saadaaliyay in ay xilli ciyaareedkan ku dhamaysan doonto in ka yar 88 dhibcood (88.08). Dhanka kale, Arsenal ayaa la saadaaliyay inay la iman doonto wadar ahaan 76.29. Haddii Gunners ay ku socoto wadadii ay ku dhameysan lahayd 76 dhibcood, Liverpool waxay u baahan tahay inay afar dhibcood ka hesho inta u dhaxaysa hadda iyo kulanka ugu dambeeya ee Crystal Palace si ay u xaqiijiso koobabka.
Be the first to comment