Weeraryahankii hore ee Arsenal, Ian Wright, ayaa ka hadlay qaladkii Kepa Arrizabalaga ee horseeday goolkii ugu horreeyay ee Manchester City final-ka EFL Cup Final Axaddii.
Qeybtii hore ee ciyaarta ayaa ku dhammaatay barbaro goolal la’aan ah garoonka Wembley, iyadoo fursaddii ugu weyneyd ay heshay Kai Havertz, balse darbigiisa daciifka ah waxaa badbaadiyay goolhayaha James Trafford.
Si kastaba, qeybtii labaad ayay City hoggaanka qabatay kadib markii Kepa uu ka siibtay kubbad ka timid karoos, taas oo uu madax ku dhaliyay Nico O’Reilly.
O’Reilly ayaa markale madax ku dhaliyay gool labaad, iyadoo ciyaartoyda Pep Guardiola ay qaadeen koobkoodii ugu horreeyay ee xilli ciyaareedka.
Wright oo la hadlayay Sky Sports ayaa yiri:“Ugu dambeyntii wax walba waxay ku burbureen Arsenal”
“Qaladkii goolhayaha ayaa hadiyad u siiyay City guusha. Waa wax niyad jab leh, waxay ahayd bandhig aad u liita.”
Be the first to comment