Kulanka ugu xiisaha badan champions League todobaadkan ayaa dhexmari doona kooxaha Bayern Munich iyo Real Madrid.
Kulanka ayaa ka tirsan lugta 1-aad ee wareega Semi-final-ka champions League kaas oo ka dhici doona Allinz Arena.
Real Madrid ayaa kulanka u soo galaysa sidii ay natiijo fiican ugula laaban lahayd garoonkeeda kulanku lugta dambe.
Dhinaca kale Bayern Munich ayaa kulanka u soo galaysa in ay guul ka gaadho kooxda Real Madrid.
Kulanka: Bayern Munich Vs Real Madrid
Tartanka: Champions League
Wakhtiga: 8:07
XAQIIQOOYINKA KULANKA:
Bayern Munich iyo Real Madrid ayaa ah kulanka ugu ciyaarista badan taariikhda champions League/European Cup iyaga oo wada ciyaaray 26 kulan iyada oo 24 ka mid ah ka yimaadeen kulamada bug baxa ee tartanka.
Kulankan waa midkii 8-aad ee ay Bayern Munich iyo Real Madrid isku aadaan wareega Semi-final-ka tartanka.
Bayern Munich ayaa guul la’aan ah 7-dii kulan ee ugu dambaysay ee ay Real Madrid la ciyaartay iyada oo laga badiyay 6 kulan mid kalena bar-baro la gashay.
Real Madrid ayaa badisay mid kasta oo ka mid ah 3-dii kulan ee ugu dambeeyay ee ay booqatay Bayern Munich waana rikoodhkii ugu dheeraa ee guuldaro la’aana ee Bayern Munich tartanka champions League.
Be the first to comment