Thierry Henry ayaa ku adkaystay in Arsenal aan wakhtigan loo arkin koox u tartamaysa horyaalka premier League xilli ciyaareedkan.
Arsenal ayaa la kulantay 2 guuldaro horyaalka premier League iyada oo kaalinta 5-aad ku dhaadhacay kadib guuldaradii Newcastle.
Kooxda Arsenal ayaa 7 dhibcood ka dambaysa hogaamiyayaasha horyaalka Premier League iyada oo la ciyaaray 10 kulan ilaa haatan.
Kadib guuldaradii Newcastle, Henry ayaa aaminsan in ayna Arsenal haatan u tartami karin horyaalka premier League.
Henry ayaa la waydiiyay in Arsenal ay wali tahay kooxda u tartamaysa horyaalka waxana uu ku jawaabay”Hadda maaha kuwo u tartamaya horyaalka, sida iska cad sida aad arki karto natiijadu maaha mid ku filan in ay awoodaan in ay u tartamaan horyaalka”.
Be the first to comment