Ilkay Gundogan ayaa qirtay in soo jiidashada dib ula midoobida Pep Guardiola ay ahayd sabab muhiim ah oo ka dambaysay go’aankii uu ugu soo laabtay Manchester City.
Gundogan ayaa qaab xor ah kaga tagay City xilli ciyaareedkii hore isaga oo ugu biiray Barcelona todobo sano oo uu joogay Etihad.
Si kastaba ha ahaatee, inkastoo xilli ciyaareedkiisii ugu horeysay ee guulo ah uu ku qaatay Spain, ciyaaryahanka khadka dhexe ee Jarmalka ayaa loo sheegay inuu ka tagi karo kooxda
Xiddiga 39 jirka ah ayaa kooxda u xidhan doona Lambarka No.19 halkii uu koxda u xidhay No.8 ka hor intii uuna ka tagin kooxda.
Gundogan ayaa kooxda Barcelona u xidhan jiray No.22 laakiin waxa uu sheegay in doortay Lamar Cusub si uu ugu soo laabto wadada guulaha.
“Sida iska cad nambarka 21 iyo 22 ayaa banaanaa, waxa aan sanadkii ore xidhay No.22 intii aan Barcelona joogay sidoo kale xulka Germany ayaan u soo qaatay No.21 laakiin wax koobab ah kuma guulaysan intii aan xidhnaa Lambaradaas”ayuu Gundogan yidhi isaa oo sharaxay sababta uu u doortay No.19.
“Marka, waxaan kala doortay No.19 waxana uu u dhexeeyaa 18 iyo 20 oo ay kala xidhaan saaxiibadayda Bernardo Silva iyo Stefan Ortega”.
Be the first to comment