Pep Guardiola ayaa xaqiijiyay in Jeremy Doku uu seegi doono kulanka Manchester City ee Champions League, islamarkaana uu shaki ku jiro inuu taam u yahay kulanka Premier League ee Arsenal.
Doku, oo yimid Etihad Stadium xagaagii 2023 markaas oo uu £55m kaga soo dhaqaaqay Rennes, ayaa seegay guuldaradii City ee Champions League ee Paris Saint-Germain usbuucii hore iyo guushii sabtidii ay ka gaareen Chelsea.
Guardiola ayaa ku rajo weynaa in xiddiga Doku uu taam u noqon doono kulamada soo socda kadib markii uu seegay labadii kulan ee ugu dambaysay.
Laakin hadda waxa uu filayaa in uu ka maqnaado xiddiga reer Belguim in muddo ah, taas oo soo jeedinaysa in uu sidoo kale seegi doono safarka todobaadka soo socda ee Arsenal.
Mar la weydiiyay inta Doku uu maqnaan doono, Guardiola wuxuu yiri:”Waqti yar. Ma garanayo inta ay le’eg tahay. Laakiin in muddo ah”
“Isagu diyaar uma noqon doono Arbacada hubaal, uma maleynayo. Arsenal, waan arki doonaa”.
Be the first to comment