Tababaraha kooxda Manchester City, Pep Guardiola, ayaa isku eedeeyay guuldarradii lama-filaanka ahayd ee kooxdiisu kala kulantay Bayer Leverkusen ciyaartii Champions League ee fiidnimadii Salaasadii.
Kahor ciyaarta, Guardiola wuxuu sameeyay toban isbeddel oo uu ku sameeyay kooxda looga badiyey 2-0 Newcastle United kulan Premier League.
Wuxuu kursiga keydka dhigay ciyaartooy ay ka mid yihiin Erling Haaland, Jeremy Doku, Phil Foden, Gianluigi Donnarumma iyo Ruben Dias.
Istaraatiijiyadiisii ma aysan shaqayn, maadaama Alejandro Grimaldo iyo Patrick Schick ay qayb walba min hal gool dhaliyeen, taas oo Leverkusen ku siisay guul ay ka gaaraan Etihad Stadium.
Guardiola wuxuu markii dambe geliyay Haaland, Foden, Doku iyo Rayan Cherki, balse waxay noqotay daahid, iyadoo kooxda Jarmalku ay Ingiriiska kaga baxday natiijo nadiif ah oo aan gool laga dhalin.
Markii TNT Sports weydiisay sababta xulashadiisa kooxda, Guardiola wuxuu ku jawaabay:
“Waan fahamsanahay. Waan fahamsanahay su’aashaada. Si buuxda waa inaan aqbalaa. Waa inaan aqbalaa. Haddii aan badin lahayn, dhib ma jiri lahayn”
” Waan aqbalayaa in laga yaabo inaan ciyaarnay Ciyaari tiro badan, anagu laba ama 3 Maalin kasta ciyaar ayaan ciyaaraynaa… Waxaa laga yaabaa inay badan tahay, waad saxan tahay. Markaan natiijada eegno, waxaa laga yaabaa inay aad u badan tahay.”
“Ma ahayn bandhiggii aan filaynay,” ayuu yidhi. “Waxaa laga yaabaa inaan mas’uuliyadda oo dhan qaato, haddana waxaan aaminsanahay in ciyaartoydii bilaabay ay yihiin ciyaartoy heer sare ah.”
Be the first to comment