Xiddiga kooxda Barcelona, Fermin López, ayaa ammaan weyn u jeediyay saaxiibkiisa Lamine Yamal, kaddib markii Barcelona ay 4-1 kaga adkaatay Galatasaray kulan ka tirsanaa Champions League xilli ciyaareedka 2026/27.
Fermin ayaa sheegay in Barcelona ay ciyaarta ku adkaatay kaddib markii ay gool looga hormaray, inkastoo ay iyagu gacanta ku hayeen kubadda. Wuxuu xusay in kooxdu si wanaagsan uga jawaabtay xaaladda, ayna ku guuleysatay inay natiijada rogaan.
Isagoo ka hadlayay Lamine Yamal, ayuu yiri: “Waa saaxiib iyo ciyaaryahan aan si weyn u qadariyo, waana kan ugu fiican adduunka.” Wuxuu intaas ku daray inuu mar walba isku dayo inuu u dhaqaaqo boosaska bannaan marka Yamal kubadda haysto, si ay isaga kaashadaan weerarka. Waxa kale oo uu sheegay in xiriirkooda wanaagsan ee bannaanka garoonka uu si togan uga muuqdo ciyaartooda.
Markii la weydiiyay haddii kooxaha Barcelona ka hor yimaada ay Alle baryaan, Fermin wuxuu ku jawaabay haa, isagoo tilmaamay in Barcelona ay hadda muujinayso heer ciyaareed sare, isla markaana ay tahay inay dadaalka sii waddo maadaama xilli ciyaareedku dheer yahay.
Wuxuu ugu dambeyn sheegay in Barcelona ay sugayaan toddobaadyo adag oo ay la kulmi doonaan kooxo xooggan, balse ay diyaar u yihiin inay dadaalkooda ugu badan bixiyaan.