Erik ten Hag ayaa aaminsan in goolkii barbaraha ee Gabriel Jesus ee guuldarada 2-1 ay ka soo gaartay Arsenal uu ahaa Offside isla markaana si qaldan loogu ogolaaday jiro.
Manchester United ayaa hogaanka ciyaarta la wareegtay, waxaana u dhaliyay Rasmus Hojlund. Hase ahaatee Arsenal ayaa heshay goolka barbaraha daqiiqadii 26-aad ee ciyaarta.
Maadaama uu yahay kulan saaxiibtinimo, ma jirin VAR si loo hubiyo in goolku runtii offside yahay iyo in kale.
Ciyaarta ka dib, Ten Hag ayaa u sheegay suxufiyiinta: “Waxaan u maleynayaa inay aheyd ciyaar aad u adag, oo heer wanaagsan ku jirtay todobaadkii seddexaad ee isku diyaarinta xilli ciyaareedka, labada dhinac”.
“Waxaan u maleynayay, qeybtii hore, waxaan ahayn kooxda ugu fiicneyd, waxaana dhalinay gool aad u wanaagsan”.
“Aad ayaan ugu faraxsanahay, waxaan abuurnay fursado kale, waxa nalaga dhaliyay gool Offise ah”.
Be the first to comment