Xiddiga Khadka dhexe ee kooxda Arsenal Declan Rice ayaa farriin u diray Moisés Caicedo oo Chelsea u ciyaara, ka hor kulanka Premier League ee labada kooxood Axadda.
Xiddiga xulka England ayaa yiri wuxuu diyaar u noqon doono inuu wajaho Caicedo dagaalka khadka dhexe marka Chelsea ku martigeliso Arsenal garoonka Stamford Bridge.
Rice ayaa hadalkan sheegay kaddib markii Arsenal ay Bayern Munich 3–1 kaga adkaatay Champions League-ka Arbacadii.
Laacibkan 26 jirka ah ayaa sidoo kale shaaca ka qaaday inuu u codeeyay xiddiga reer Ecuador ee Caicedo in uu ka mid noqdo PFA Team of the Year.
“Caicedo ayaan u codeeyay PFA Team of the Year,’ ayuu Rice u sheegay CBS Sports.
“Waxay noqon doontaa tartan farxad leh oo aniga iyo Caicedo ah. Waxaan ahaan doonaa diyaar”
“Aad baan u ixtiraamaa Moisés. Isbarbardhig badan ayaa nala sameeyaa, balse annagu waxaan ka ciyaarnaa boosas kala duwan”
Be the first to comment