Kooxda Liverpool ayaa sidii caadada ahayd guul wakhti dambe ah ka gaadhay Burnley kulan ka tirsanaa premier League.
Liverpool ayaa ahayd kooxda fiican iyada oo Burnley ku ciyaartay 5 daafac ah si ay ugu diido Liverpool in ay dhaliso goolal.
Daafaca Burnley ayaa ku guulaystay in ay joojiyaan weerarka Liverpool iyaga oo u diiday fursad ay ku abuuraan xitaa fursad wax ku ool ah.
Salah Iyo saaxiibadiis ayaa wax walba isku dayay in ay u sameeyaan sidii ay u dhalin lahaayeen gool laakiin uma suurtagalin.
Iyada oo cid walba filayso in ay ciyaartu ku dhamaato bar-baro isla markaas cadawga Liverpool farxad la dabaal-dagayaan ayay wax walba is badaleen.
Daqiiqadii 90+4-aad ayay Liverpool heshay rikoodhe kadib markii xiddig Burnley ah kubada gacanta u dhigay.
Mohamed Salah ayaa isla markiiba gool u badalay rikoodhadii kooxdiisana ku hogaamiyay guul qaali ah.
Waxa sidaas ku dhamaatay ciyaarta oo ay Liverpool guul wakhti dambe ah ka gaadhay Burnley.
Be the first to comment