Bruno Fernandes Oo Ka Hadlay Wararka La Xidhiidhinayay In Uu Ka Tagayo Man United.

wareegista horyaalka Saudi Arabia dhammaadka xilli ciyaareedkan, inkastoo uu sheegay in uu “haatan ku faraxsan yahay” noloshiisa Old Trafford.

Fernandes, oo haatan 31 jir ah, ayaa xilli ciyaareedkan ku jira lixdiisii xilli ciyaareed ee buuxa ee Manchester United, balse waxaa jiray waqtiyo ay mustaqbalkiisa kooxda si weyn u shaki geliyeen, gaar ahaan intii lagu guda jiray suuqa kala iibsiga xagaaga.

Kooxda Al-Hilal ayaa si weyn loola xiriiriyay, iyadoo la soo wariyay inay u bandhigeen Fernandes mushahar cajiib ah oo gaaraya £700,000 todobaadkii, si ay uga soo jiitaan “Theatre of Dreams”.

Sidoo kale, kooxaha Al-Ittihad iyo tan uu Cristiano Ronaldo u ciyaaro ee Al-Nassr ayaa iyaguna la sheegay inay si dhab ah u daneynayeen laacibka reer Portugal. Xitaa tababaraha United Ruben Amorim ayaa lagu soo warramay inuu horay uga fikirayay mustaqbalka kooxda la’aanta Fernandes, kaas oo si weyn loogu arko xiddiga ugu muhiimka badan kooxda tan iyo markii uu Sir Alex Ferguson ka tagay.

Kadib markii uu la yeeshay wada-hadallo labada dhinac ee Al-Hilal iyo Ruben Amorim, Fernandes ayaa go’aansaday inuu sii joogo Manchester United ugu yaraan hal xilli ciyaareed oo dheeri ah si uu uga qeyb galo tartamada waaweyn iyo inuu sii wato ciyaarista heerka ugu sarreeya.

Go’aankan ayaa muujinaya sida Fernandes uu weli ugu heelan yahay guulaha waaweyn iyo horumarinta xirfadiisa inkasta oo fursado dhaqaale oo waaweyn loo soo bandhigay.

Markii la waydiiyay wararka ugu dambeeyay ee ku saabsan suurtagalnimada u wareegista Saudi Arabia ka hor kulanka isreeb-reebka Koobka Adduunka ee Portugal iyo Jamhuuriyadda Ireland, Fernandes wuxuu wariyeyaasha u sheegay:

“Taasi waa xaalad aan macquul ahayn in la qiyaaso. Ma garanayo inay jirto wax run ah oo ku saabsan arrintaas.”

“Waxaan jeclahay inaan ku raaxeysto xilligan, waxa ugu muhiimsan aniga waa inaan u matalo xulka qaranka maadaama ay tahay il weyn oo sharaf iyo faan ah”

“Ma garanayo haddii aan berri ciyaari doono [Portugal], iyo xitaa haddii aan ciyaari doono meel ka baxsan Manchester sanadka dambe.

“Arrintaas ma iga welwelsana.”