Kooxda Barcelona ayaa xaqiijisay xiddig kale oo ka dhaawacmay kooxda 1-aad iyada oo kooxdu ku jirto wakhti adag oo natiijooyin xun ah.
Barcelona ayaa ku jirta kaalinta 3-aad ee kala saraynta horyaalka La Liga iyaga oo leh 38 dhibcood.
Kooxda Flick ayaa isku diyaarinaysa kulanka ay la ciyaari doonaan kooxda Barbastro kulan ka tirsan tartanka Copa Del Rey-ga wareegii 32-aad.
Barcelona ayaa war rasmi ah oo ay soo saartay ku sheegtay in uu dhaawac soo gaadhay Ferran Torres inta lagu jiro xilli ciyaareedkan.
Kooxda ayaa war rasmi ah oo ay soo saartay ku sheegtay: “Ferrán Torres waxa uu ka cabanayaa dhaawac yar oo muruqa ah oo kubka midig ah”.
Wargeyska Mundo Deportivo ayaa xaqiijiyay in waxa la hubo ay tahay in Torres uusan ka qeyb qaadan doonin Barbastro, waxaana shaki la galinayaa ka qeyb galka semi-finalka Super Cup-ka Spain ee ay la ciyaarayaan Athletic Bilbao.
Be the first to comment