Barcelona ayaa ku dhawaaqday shaxda rasmiga ah ee ay ku wajahayso kooxda Deportivo Alaves, kulan ka tirsan wareegga 11-aad ee horyaalka La Liga, kaasoo maanta oo Sabti ah, 31-ka October 2026, ka dhacaya Spain.
Tababare Hansi Flick ayaa doortay shax adag oo uu doonayo inuu guul ku gaaro, iyadoo kooxda Barcelona ay raadineyso inay dib u soo ceshato kalsoonida taageerayaasheeda kaddib guuldarrooyinkii ay kala kulantay Paris Saint-Germain iyo Real Madrid.
Barcelona ayaa kulankan soo galeysa iyadoo kaalinta labaad kaga jirta kala sarreynta La Liga, isla markaana leh 27 dhibcood, halka Deportivo Alaves ay ku jirto kaalinta toddobaad iyadoo heysata 12 dhibcood.
Xaaladda Hamza Abdelkarim
Wararka ugu muhiimsan ee kulankan ayaa ah in xiddiga da’da yar ee reer Masar, Hamza Abdelkarim, uu ku jiro liiska ciyaartoyda Barcelona, balse uusan ku jirin shaxda koowaad.
Hamza ayaa kulanka ka bilaabanaya kursiga keydka, waxaana macallin Hansi Flick uu fursad u heli karaa inuu ciyaarta kusoo daro inta uu kulanku socdo.
Shaxda rasmiga ah ee Barcelona
-
Goolhaye: Joan Garcia.
-
Difaaca: Fariñas, Pau Cubarsí, Frenkie de Jong iyo João Cancelo.
-
Khadka dhexe: Rodri, Pedri iyo Fermín López.
-
Weerarka: Lamine Yamal, Raphinha iyo Karim Adeyemi.
Ciyaartoyda keydka Barcelona
Hamza Abdelkarim, Wojciech Szczęsny, Livaković, Alejandro Balde, Gerard Martín, Campos, Víctor, Bernal, Gavi, Tonkara, Jesús iyo Gordon.
Barcelona ayaa rajeyneysa inay saddexda dhibcood ka hesho Alaves, si ay cadaadis ugu sii saarto kooxaha kula tartamaya horyaalka, halka taageerayaasha ay isha ku hayaan suuragalnimada in Hamza Abdelkarim uu kulankan kasoo muuqdo.