Barcelona Oo Shaacisay Dhaawac Soo Gaadhay Lamine Yamal & Muddada Uu Maqnaan Doono.

Kooxda Barcelona ayaa bayaan rasmi ah ku shaacisay nooca dhaawaca Lamine Yamal iyo muddada uu garoomada ka maqnaanayo.

Lamine Yamal oo 17 sano jir ah ayaa ku dhaawacantay ciyaartii ugu dambeysay ee Barcelona ay la ciyaartay Leganes horyaalka La Liga.

Baaritaano caafimaad ayaa muujiyay in ciyaaryahanka uu dhaawac ka soo gaaray canqowga midig, waxaana hubaal ah inuu seegi doono kulanka soo socda ee Barça ay la ciyaareyso Atletico Madrid fiidnimada sabtida ee soo socota

Hadalka kooxda ayaa u dhignaa sidan: “Lamin Yamal waxa uu dhaawac ka soo gaaray canqowga midig intii ay socotay ciyaartii Leganes ee Axadii, waxaana baaritaanadii caafimaad ee la sameeyay lagu ogaaday in laacibku uu ka dhaawacmay heerka 1-aad ee mid ka mid ah seedaha canqowga”.

Bayaanka ayaa intaa ku daray, “Ciyaartoyga ayaa la filayaa inuu ka maqnaado garoonka muddo u dhaxaysa 3 ilaa 4 toddobaad.”