Barcelona Oo Garaacday Alaves Lana Wareegtay Hogaanka La Liga.

Barcelona ayaa xaqiijisay guul muhiim ah oo 3-1 ah oo ay ka gaartay Deportivo Alavés kulankooda wareega 14-aad ee horyaalka La Liga, kaas oo ka dhacay garoonka Spotify Camp Nou, taasoo u saamaxday kooxda Catalonia in ay la wareegaan hogaanka horyaalka La Liga.

Deportivo Alavés ayaa Barcelona ka yaabsatay iyaga dhaliyay gool degdeg ah daqiiqaddii 1-aad oo uu dhaliyay Pablo Ibáñez, balse xiddiga da’da yar ee Lamine Yamal ayaa si dhaqso leh u barbareeyay daqiiqaddii 8-aad kaddib weerar xooggan oo ay sameeyeen Barcelona.

Barcelona waxay awoodeen inay dhaliyaan goolkii labaad daqiiqaddii 26-aad iyada oo uu u dhaliyay Dani Olmo, iyagoo sidaas ku xaqiijiyay hoggaanka ciyaarta.

Ciyaartoyda Barcelona kuma aysan qanacsaneyn natiijadaas, waxayna sii wadeen cadaadis weerar illaa ay ku guuleysteen inay dhaliyaan goolkii saddexaad daqiiqaddii 90+3-aad oo sidoo kale uu dhaliyay Dani Olmo.

Guushan waxay Barcelona u kordhisay dhibcaha ilaa 34, iyagoo hoggaanka horyaalka haysta, halka Deportivo Alavés ay ku sii nagaadeen 15 dhibcood oo ay ku yihiin kaalinta 14-aad.

Be the first to comment

Dhiibo Fikirkaaga