Arsenal ayaa racfaan ka qaadatay casaankii muranka dhaliyay ee Myles Lewis-Skelly kulankii ay sabtidii guusha ka gaareen Wolves.
Lewis-Skelly ayaa la siiyay kaarka cas oo toos ah bartamihii qeybtii hore ee kulankii Premier League ee ka dhacay Molineux, ka dib qalad xun oo uu ku galay Matt Doherty.
Mar wax laga weydiiyay in Arsenal ay qorsheyneyso inay racfaan ka qaadato go’aanka, Arteta ayaa yiri: “Taasi waxay u taalaa kooxda inay go’aansato waxa go’aanka ugu fiican, waa wax iska cad in laga yaabo inaan xitaa u baahnayn.”
Sida ay hadda tahay, Lewis-Skelly ayaa ganaax ku seegi doona 3 kulan maadama casaan toos ah waxana uu seegi doonaa Manchester City, Leicester City Iyo kuanka Newcastle ee Lugta 2-aad ee Carabao Cup-ka.
Haddii lagu guuleysto, si kastaba ha ahaatee, rafcaankoodu waxa uu ka caawin doonaa in uu xiddigu ciyaaro kulamada 3-da ah ee markii hore loo qorsheeyay in uu seego.
Be the first to comment