Perry Groves ayaa sheegay in uu Victor Osimhen u soo qaadi doono Arsenal hadii ay fursad u helaan ka hor dhamaadka suuqa kala iibsiga ee January.
Arsenal ayaa xagaagii hore iska indha-tirtay saxiixa weeraryahan iyaga oo kalsooni siiyay xiddiga Kai Havertz ka dib markii xiddigu isku muujiyay qaab ciyaareed fiican.
Laakiin waxa jirta hadal hayn ah in ay Arsenal u baahantahay weeraryahan dhaliye ah Bishan si ay kooxdu ugu tartanto premierLeague xilli ciyaareedkan.
Ka hor kulankii Tottenham, Arteta ayaa sheegay in ay Arsenal suuqa u galayso weeraryahan cusub suuqa January.
Mar la waydiiyay in Arsenal ay suuqa u galayso weeraryahan ayuu yidhi”Haa, waa hubaal”.
Garabkii hore ee Arsenal Groves – oo laba horyaal kula guuleystay Gunners – ayaa aaminsan in kooxdiisii hore ay u baahan tahay inay keento ‘laba ama saddex xiddig haddii ay doonayaan inay u tartamaan horyaalka qeybta labaad ee xilli ciyaareedka.
“Haddii ay rabaan inay ku guuleystaan horyaalka, kani waa wakhtiga aytahay in ay la soo saxiixato 3 ciyaartoy”.
Be the first to comment