Halyeeyga Arsenal Alan Smith ayaa u sheegay kooxdiisii hore in ay iska iibiyaan xiddigaha Gabriel Jesus iyo Oleksandr Zinchenko si ay lacagtooda ugu soo iibsadaan weeraryahanka Newcastle United Alexander Isak.
Ciyaaryahanka heerka caalami ee dalka Sweden ayaa lagu tiriyaa inuu ka mid yahay weeraryahanada ugu wanaagsan Yurub.
Magpies ayaa la sheegay inay ku doonayaan in ka badan 100 milyan hadii ay iibinayaan xiddiga.
Isak ayaa dhaliyay 19 gool waxaana uu caawiyay 5 gool 25 kulan oo uu saftay ilaa haatan xilli ciyaareedkan, Smith ayaa AceOdds.com kala hadlay sida ay muhiimka u tahay in Gunners ay la soo wareegto weeraryahan qaab ciyaareedkiisa oo kale ah suuqa January hadii ay doonayaan in ay u tartamaan. horyaalka.
“Alexander Isak wuxuu ahaan lahaa (wali) bartilmaameedka koowaad sababtoo ah wuxuu isku muujiyay Premier League.”
Markii la weydiiyay ciyaartoyda ay tahay inay Arsenal iska iibiso, Smith ayaa farta ku fiiqay labada Xiddig Ee Jesus iyo Zinchenko.
“Gabriel Jesus Mar kale ayuu dhaawacmay kadib kulamo uu goolal dhaliyay sidaas darteed waxa aan u baahanahay in aan iska iibino isaga”
“Zinchenko inta badan ma ciyaaro waxana uu u muuqdaa mid ka baxaya qorshaha kooxda”
Be the first to comment