Sida uu sheegay weriye Alan Nixon, kooxda Arsenal ayaa gudbisay dalabkoodii afraad ee ay ku doonayaan weeraryahanka da’da yar ee Blackburn Rovers, Igor Tyjon.
Waxaa la rumeysan yahay in Arsenal ay soo bandhigtay dalab ka badan £1 milyan si ay u dhammeystiraan heshiiska maalinta ugu dambeysa ee suuqa kala iibsiga.
Dalabkan waa kii labaad ee ay Gunners sameeyaan inta lagu jiro suuqa kala iibsiga ee bisha January.
Tyjon, oo ah 17 jir, ayaa u saftay Blackburn saddex kulan oo kooxda koowaad ah, balse waxa uu soo jiitay xiisaha kooxo badan oo ka tirsan Premier League.
Hadda, wargeyska Scottish Sun ayaa sheegay in James Wilson uu ku biiri doono Arsenal amaah ahaan, isaga oo loo diri doono kooxda Under-21, islamarkaana aysan jiri doonin ikhtiyaar iibsi.
Waxaa loo arkaa in tallaabadan ay noqon doonto tijaabo loogu sameynayo ciyaaryahan da’yar oo aan helin waqti ciyaareed joogto ah marka uu joogo Hearts.
Si kastaba ha ahaatee, habka ay Arsenal u wajahday arrintan ayaa kiciyay xiisaha kooxo kale oo ku kala yaalla England iyo Scotland.
Kooxda Hearts ayaa dooneysa £8 milyan si ay u oggolaato wareejinta la soo jeediyay ee James Wilson uu ugu biirayo Arsenal ka hor inta uuna xidhmin suuqa kala iibsiga January saacadaha soo socda
Wadahadallo ayaa weli socda oo ku saabsan heshiis suurtagal ah, kaas oo keeni kara in Wilson uu xilli-ciyaareedka ku dhammeysto Scotland ama uu ku jiro amaah dheer oo dib loogu celinayo Hearts.
Wilson, oo ah 18 jir, ayaa dhaliyay laba gool 10 kulan oo uu u saftay hoggaamiyeyaasha sida weyn u horyaalla Scottish Premiership xilli-ciyaareedkan.
Be the first to comment