Kabtankii hore ee Chelsea, Gary Cahill, ayaa saadaaliyay natiijada ciyaarta Premier League ee u dhexeysa Blues iyo Arsenal Axada.
Kooxda galbeedka London ayaa ku soo dhaweyn doonta kooxda waqooyiga London ee ay xafiiltamaan, Stamford Bridge Axadda, kulan dhex maraya kooxaha kaalmaha koowaad iyo labaad kaga jira horyaalka Ingiriiska waqtigan.
Arsenal waxay ciyaarta u soo galaysaa iyadoo kaliya hal guuldarro ku leh horyaalka xilli-ciyaareedkan, balse taasi Cahill waxba kama gelayso, maadaama uu taageerayo kooxdiisii hore inay saddexda dhibcood oo dhan qaadato.
Cahill wuxuu aaminsan yahay in guushii 3-0 ee Chelsea ka gaartay Barcelona tartanka Champions League ay siin doonto kalsooni aad u sareysa oo ay ku wajahaan Arsenal.
“Ma u malaynayo in ay jiraan wax cusub oo Chelsea ka baran doonto inay ka hor timaado Arsenal,” ayuu Cahill u sheegay Sky Bet.
“Waxay si buuxda uga warqabaan sida ay u wanaagsan yihiin iyo qoto-dheeraanta tayada ay kooxda ku leeyihiin.”
Wuxuu xusay in Blues aysan ka baqin kooxaha waaweyn: “Kuwani waa ciyaaraha aanad lumin karin haddii aad rabto inaad u tartanto hanashada horyaalka.
“Waxaan aaminsanahay in Chelsea ay 2-1 ku badin doonto Arsenal kulanka Axada”ayuu sii raaciyay.
Be the first to comment