Tababaraha Liverpool Arne Slot ayaa ka hadlay natiijadii kooxdiisa kulankii PSV iyo waliba qaab ciyaareedka liita ee 9-dii kulan ee ugu dambaysay xilli ciyaareedkan.
“Kuma raacsani in tayadu aysan muuqan. Waxaan arkayaa waqtiyo badan oo ciyaartoydu muujiyaan tayadooda.”
“Taasi kuma muuqato natiijada ama goolasha, taas waa cadahay. Laakiin maya, arrintaas kama welwelsani.”
“Waxaan uga jeedaa in diiraddaydu aysan saarnaan inaan ka walwalo booskeyga.”
“Waxaan isku dayaa inaan falanqeeyo, inaan caawiyo ciyaartoyda intii karaankeyga ah, waana caddahay inaanan sidaan u qaban sidii xilli ciyaareedkii hore, sababtoo ah markaad ka hadleyso qaladaad shaqsiyeed, waxaan aaminsanahay in taasi sidoo kale ka timaaddo dadaalka guud ee kooxda.”
“Markale, anigana waa inaan si ka fiican u sameeyaa, waana waxa aan isku dayayo maalin kasta — inaan kooxda hagaajiyo.”
“Halkeen diiradda saarayo run ahaantii waa taas.”
“Haa, laakiin ma aha macnaha ah inay igu yiraahdaan daqiiqad kasta ‘waan ku taageernay’, ‘waan ku taageernay’, ‘waan ku taageernay’.”
“Waan wada hadalnaa mar badan. Haddii aan guuleysanayno, sidii xilli ciyaareedkii hore, iyo haddii aan guuldarreysanayno. Markaasay aniga iyo kooxda labadaba ii noqdaan kuwo waxtar leh.”
Be the first to comment