Arne Slot ayaa amaanay saameynta Joe Gomez ka dib markii daafaca dhexe badal ku soo galay qaybtii dambe ee kulankii ay Reds ka badisay kooxda Brighton.
Xiddiga Gomez ayaa badalay Konate oo dhaawac soo gaadhay qaybtii nasashada daafaca ayaana ciyaaray kulankiisii 2-aad ee xilli ciyaareedka.
Mar wax laga waydiiyay wax qabadka Gomez ee ciyaarta ayuu Slot yidhi”Waxa fiican ayaa ah in aanu haysano laba badal oo aad u wanaagsan Joe Gomez iyo Jarell Quansah”.
“Waxaan doortay Joe maanta sababtoo ah Jarell runtii aad buu u daalanaa, wuxuuna caddeeyay inaan saxan ahay sababtoo ah wuxuu ahaa mid aad u wanaagsan qeybtii labaad”.
“Si fiican ayaan u ciyaarnay marka aanan haysan kubada, waxa uu marar badan soo aaday khadka dhexe si uu ugu guulaysto kubada”.
“Mar walba waxa uu ahaa midka ku guulaysata kubad kasta oo uu kula loolamo xiddigaha Brighton”.
Be the first to comment