Saxafiga lagu kalsoon yahay ee David Ornstein ayaa shaaca ka qaaday in Carlo Ancelotti uu bixi doono dhamaadka xilli ciyaareedkan.
Ornstein ayaa sheegay in tababaraha reer Italy uu ku jiro xilli ciyaareedkiisii ugu dambeeyay ee Real Madrid uuna si Rasmi ah uga tagi doono dhamaadka xilli ciyaareedkan.
Ornstein ma uusan shaacin inuu sii ahaan doono tababaraha kooxda Koobka Kooxaha Adduunka iyo in kale.
Warku waxa uu intaa ku daray in Ancelotti uu yahay musharax u taagan inuu tababare u noqdo xulka qaranka Brazil.
Ancelotti ayaa la kulmaya cadaadis iyada oo kooxda Real Madrid qarka u saarantahay in ay koob la’aan baxdo xilli ciyaareedkan.
Koobka Copa del Rey-ga ayaa ah rajada kaliya ee uu Ancelotti koob ugu hogaamin karo kooxda Real Madrid xilli ciyaareedkan.
Be the first to comment