Ruben Amorim ayaa ku adkeystay in Man United aysan awoodi doonin inay u ciyaarto qaabka ay Sporting Lisbon u ciyaarto kadib markii uu kooxdiisa haatan ka caawiyay in ay ka badiso Man City kulan ka tirsanaa champions League.
Tababaraha reer Portugal ayaa qabtay kulankiisii ugu dambeeyay ee garoonkooda Sporting champions League ka hor inta uuna ku biirin kooxda Man United si uu shaqada uga badalo Erik Ten Hag.
Qaab ciyaareedka Sporting ee kulankii Man City ayaa farxad galiyay taageerayaasha Man Uniteed kuwaas oo rajaynaya in ay United sidaas u ciyaarto kulamada soo socda.
Si kasta ha ahaatee Amorim ayaa u quus gooyay taageerayaasha Man United isaga oo sheegay in ayna Man United u ciyaari karin sida ay u ciyaarayso kooxda Sporting Lisbon.
Isagoo hadlayay ciyaarta ka dib, Amorim wuxuu yiri: “Ma u qaadi karno xaqiiqo jirta mid kale. United uma ciyaari karto sida aan u ciyaarno, ma noqon karaan kuwo difaac ah”.
“Dabcan way fiican tahay inaad garaacdo City. Laakiin waxaan ku noolaan doonaa adduun ka duwan, waa inaan ka bilownaa meel kale”.
Be the first to comment