Xiddiga khadka dhexe uga ciyaara kooxda Liverpool ee Alexis Mac Allister ayaa go’aamiyay mawqifkiisa ku saabsan wararka xanta ah ee la isla dhexmarayo ee ku saabsan xiisaha ay Real Madrid u qabto saxiixiisa suuqa xagaaga soo socda.
Qandaraaska Mac Allister ee Liverpool wuxuu dhacayaa Juun 30, 2028, laakiin taasi kama joojin wargeysyada inay ka hadlaan suurtogalnimada inuu u dhaqaaqo Real Madrid.
Mac Allister ayaa ka jawaabay wararka xanta ah ee shabakada Argentine “TyC Sports”: “Waan akhriyay wararka xanta ah, warkuna wuu isoo gaarayaa, laakiin mar walba waxa ugu muhiimsan ayaa ah wakhti xaadirkan”
Isaga oo hadalkiisa sii wata waxa uu yidhi: “Waxa aan ku noolahay wax yar oo ka fog Liverpool, taageerayaasha halkan waxa ay idinku soo dhawaynayaan si xushmad leh, laakiin gudaha magaalada xamaasadu waa ka weyn tahay, kooxdu waxa ay dareema qoys dhab ah”.
Be the first to comment