Xiddigii hore ee Juventus, Miralem Pjanić, ayaa shaaca ka qaaday xeelad uu tababare Massimiliano Allegri u adeegsaday in Cristiano Ronaldo looga fogeeyo laad xor ah oo muhiim ah.
Pjanić ayaa sheegay in Juventus ay kulan la ciyaaraysay Napoli ay heshay laad xor ah oo halis ahaa. Ronaldo oo markaas ahaa ciyaaryahanka ugu muhiimsan ee laadadka xorta ah qaada ayaa taabtay jilibkiisa.
Allegri ayaa markiiba u yeeray shaqaalaha caafimaadka, Ronaldo-na garoonka ayaa laga saaray, taasoo fursad siisay Pjanić inuu laadkii qaado.
Pjanić ayaa ugu dambeyn laadkii xorta ahaa ka dhaliyay gool, isagoo si kaftan ah Allegri ugu mahadceliyay xeeladda uu adeegsaday.
Ronaldo ayaa Juventus u ciyaaray intii u dhaxaysay 2018 ilaa 2021, halka Pjanić uu ka mid ahaa ciyaartoydii kooxda ku caanbaxay laadadka xorta ah.