Tababaraha Real Madrid, José Mourinho, ayaa ka hadlay muranka garsoorka ee ka dhashay kulankii ay kooxdiisu 4-1 kaga adkaatay Sevilla, gaar ahaan su’aalaha la xiriira in Arda Güler casaan mudnaa kaddib markii uu xusul ku dhuftay ciyaaryahan ka tirsan Sevilla.
Mourinho ayaa sheegay inuusan weli arag muuqaal cad oo muujinaya dhacdada lagu muransan yahay, isagoo xusay inuu baaray muuqaallada ay heli kareen falanqeeyayaasha kooxdiisa.
Tababaraha reer Portugal ayaa intaas ku daray inuu diyaar u yahay inuu qirto haddii go’aan garsoore uu maalin uun faa’iido u keeno kooxdiisa, balse uu aaminsan yahay in inta badan go’aannada muranka dhaliya ay kooxdiisa lid ku yihiin.
Mourinho ayaa ku adkeystay in Real Madrid ay ciyaartay kulan wanaagsan isla markaana ay gaartay guul weyn, isagoo sheegay inuu arrintan ka hadli doono haddii la tuso muuqaal cad oo caddaynaya waxa dhacay.